Kijan pou fè yon demann èd pou ti pwojè

N ap asepte apliksyon pou ti pwojè nan men òganizasyon o gwoupman. 

N ap bay konsiderasyon ak pwojè ki montre nan fason yo prezante a ke yo tonbe dako ak misyon Òganizasyon pou Devlopman Karayib la (ODK).  Tanpri souple fè atanson sou bi ak misyon ODK.  Li enpòtan anpil pou oganizasyon k ap fe demann ed yo konprann byen klè ki kalite pwojè ODK ap finanse.  Pa bliye ke ODK pa p finanse okenn ti pwojè ki depaman ak misyon pa l.

Kounye a nou pa kapab aksepte demann pou ti pwojè ki koute plis pase $400 dola ameriken. 

Kijan nou pral jije pwojè yo

Men ki sa nou pral chache wè lè n ap gade yon ti pwojè nou resevwa.  Nou pra l pran chak pati nan ti pwojè sa a youn pa youn pou wè ki nòt yo merite.  Ti pwojè ki pi byen prezante yo se yo menm kap pase anvan, epi se pou yo tou n ap kapab debloke lajan pou yo ka kòmanse.

Men ki sa nou pra l gade lè n ap ba yo nòt:

Jan pwojè a pra l kontinye                           

N ap bay priyorite ak tout ti pwojè ki montre ke yo ka    

kontinye egziste apre finansman yo te resevwa a fini. 

Pwojè yo ta dwe kapab fonksyone nan zòn kote yo ye a

san yo pa bezwen souse resous natirèl ki nan kominote a.

Prezantasyon                                                       

Pwojè kap pase anvan yo se sa yo ki moutre klè kouman yo pwal fè motive kominote a, kijan pwojè yo pra l devlope, kijan yo pra l sèvi ak lajan an, kijan yo pra l jere pwojè a ak kijan yo pra l montre ke pwojè a ap reyisi.

Benefisyè yo

Pwojè kap pase anvan yo se sa yo ki montre kouman yo ka ede rezoud pwoblèm kominote a.  Li enpòtan pou estime kantite ak kalite moun ki pra l benefisye ti

pwojè sa yo.

Patisipason kominote a                             

Pwojè kap pase anvan yo se sa yo ki montre yon gwo pousantaj patisipasyon kominote a keseswa nan bay kontribisyon lajan, nan mendèv oubyen materyo.

Òganizasyon

Nap bay konsiderasyon ak òganizasyon andedan kominote yo ki moutre gen konpetans pou dirije ti pwojè yo nan kominotè a. 

Fòm pou prezante yon ti pwojè

Demann èd pou ti pwojè (Word)

Demann èd pou ti pwojè (PDF)

Rapò sou pwojè a (Word)

Rapò sou pwojè a (PDF)

Voye demann èd yo nan adrès sa a:

Caribbean Development Organization, NFP

c/o Joan Karnauskas

511 Arbor Gate Lane 

Buffalo Grove, IL  60089                 

U.S.A.

Piti piti zwazo fe nich li.